॥ श्रीरुद्रत्रिशति ॥
ॐ श्री॒ गु॒रु॒भ्यो नमः॒ । ह॒रिः॒ ॐ ।
॥ श्रिरुद्रनाम त्रिशति ॥
नमो॒ हिर॑ण्यबाहवे॒ नमः॑ । से॒ना॒न्ये॑ नमः॑ ।
दि॒शां च॒ पत॑ये॒ नमः॑ । नमो॑ वृ॒क्षेभ्यो॒ नमः॑ ।
हरि॑केशेभ्यो॒ नमः॑ । प॒शू॒नां पत॑ये॒ नमः॑ ।
नमः॑ स॒स्पिञ्ज॑राय॒ नमः॑ । त्विषी॑मते॒ नमः॑ ।
प॒थी॒नां पत॑ये॒ नमः॑ । नमो॑ बभ्लु॒शाय॒ नमः॑ ।
वि॒व्या॒धिने॒ नमः॑ । अन्ना॑नां॒ पत॑ये॒ नमः॑ ।
नमो॒ हरि॑केशय॒ नमः॑ । उ॒प॒वी॒तिने॒ नमः॑ ।
पु॒ष्टानां॒ पत॑ये नमः॑ । नमो॑ भ॒वस्य॑ हे॒त्यै नमः॑ ।
जग॑तां॒ पत॑ये॒ नमः॑ । नमो॑ रु॒द्राय॒ नमः॑ ।
आ॒त॒ता॒विने॒ नमः॑ । क्षेत्रा॑णां॒ पत॑ये॒ नमः॑ ।
नमः॑ सू॒ताय॒ नमः॑ । अह॑न्त्याय॒ नमः॑ ।
वना॑नां॒ पत॑ये॒ नमः॑ । नमो॒ रोहि॑ताय॒ नमः॑ ।
स्थ॒पत॑ये नमः॑ । वृ॒क्षाणं॒ पत॑ये॒ नमः॑ ।
नमो॑ म॒न्त्रिणे॒ नमः॑ । वा॒णि॒जाय॒ नमः॑ ।
कक्षा॑णां॒ पत॑ये नमः॑ । नमो॑ भुवं॒तये॒ नमः॑ ।
वा॒रि॒व॒स्कृ॒ताय॒ नमः॑ । ओष॑धीनां॒ पत॑ये॒ नमः॑ ।
नम॑ उ॒च्चैर्घो॑षाय॒ नमः॑ । आ॒क्र॒न्दय॑ते॒ नमः॑ ।
प॒त्ती॒नाम् पत॑ये॒ नमः॑ । नमः॑ कृत्स्नवी॒ताय॒ नमः॑ ।
धाव॑ते॒ नमः॑ । सत्त्व॑नां॒ पत॑ये॒ नमः॑ ॥
नमः॒ सह॑मानाय॒ नमः॑ । नि॒व्या॒धिने॒ नमः॑ ।
आ॒व्या॒धिनी॑नां॒ पत॑ये॒ नमः॑ । नमः॑ ककु॒भाय॒ नमः॑ ।
नि॒ष॒ङ्गिणे॒ नमः॑ । स्ते॒नानां॒ पत॑ये॒ नमः॑ ।
नमो॑ निष॒ङ्गिणे॒ नमः॑ । इ॒षु॒धि॒मते॒ नमः॑ ।
तस्क॑राणां॒ पत॑ये॒ नमः॑ । नमो॒ वञ्च॑ते॒ नमः॑ ।
प॒रि॒वञ्च॑ते॒ नमः॑ । स्ता॒यू॒नां पत॑ये॒ नमः॑ ।
नमो॑ निचे॒रवे॒ नमः॑ । प॒रि॒च॒राय॒ नमः॑ ।
अर॑ण्यानां॒ पत॑ये॒ नमः॑ । नमः॑ सृका॒विभ्यो॒ नमः॑ ।
जिघा ꣳ॑ सद्भ्यो॒ नमः॑ । मु॒ष्ण॒तां पत॑ये॒ नमः॑ ।
नमो॑ऽसि॒मद्भ्यो॒ नमः॑ । नक्तं॒चर॑द्भ्यो॒ नमः॑ ।
प्र॒कृ॒न्तानां॒ पत॑ये॒ नमः॑ । नम॑ उष्णी॒षिने॒ नमः॑ ।
गि॒रि॒च॒राय॒ नमः॑ । कु॒लु॒ञ्चानां॒ पत॑ये॒ नमः॑ ।
नम॒ इषु॑मद्भ्यो॒ नमः॑ । ध॒न्वा॒विभ्य॑श्च॒ नमः॑ । वो॒ नमः॑ ।
नम॑ आतन्वा॒नेभ्यो॒ नमः॑। प्र॒ति॒दधा॑नेभ्यश्च नमः॑ । वो॒ नमः॑ ।
नम॑ आ॒यच्छ॑द्भ्यो॒ नमः॑ । वि॒सृ॒जद्भ्य॑श्च॒ नमः॑ । वो॒ नमः॑ ।
नमोऽस्य॑द्भ्यो॒ नमः॑ । विध्य॑द्भ्यश्च॒ नमः॑ । वो॒ नमः॑ ।
नम॒ आसी॑नेभ्यो॒ नमः॑ । शया॑नेभ्यश्च॒ नमः॑ । वो॒ नमः॑ ।
नमः॑ स्व॒पद्भ्यो॒ नमः॑ । जाग्र॑द्भ्यश्च॒ नमः॑ । वो॒ नमः॑ ।
नम॒स्तिष्ठ॑द्भ्यो॒ नमः॑ । धाव॑द्भ्यश्च॒ नमः॑ । वो॒ नमः॑ ।
नम॑स्स॒भाभ्यो॒ नमः॑ । स॒भाप॑तिभ्यश्च॒ नमः॑ । वो॒ नमः॑ ।
नमो॒ अश्वे᳚भ्यो॒ नमः॑ । अश्व॑पतिभ्यश्च॒ नमः॑ । वो॒ नमः॑ ।
नम॑ आव्य॒धिनी᳚भ्यो॒ नमः॑ । वि॒विध्य॑न्तीभ्यश्च॒ नमः॑ । वो॒ नमः॑ ।
नम॒ उग॑णाभ्यो॒ नमः॑ । तृ॒ ꣳ॒ ह॒तीभ्य॑श्च॒ नमः॑ । वो॒ नमः॑ ।
नमो॑ गृ॒त्सेभ्यो॒ नमः॑ । गृ॒त्सप॑तिभ्यश्च॒ नमः॑ । वो॒ नमः॑ ।
नमो॒ व्राते᳚भ्यो॒ नमः॑ । व्रात॑पतिभ्यश्च॒ नमः॑ । वो॒ नमः॑ ।
नमो॑ ग॒णेभ्यो॒ नमः॑ । ग॒णप॑तिभ्यश्च॒ नमः॑ । वो॒ नमः॑ ।
नमो॒ विरू॑पेभ्यो॒ नमः॑ । वि॒श्वरु॑पेभ्यश्च॒ नमः॑ । वो॒ नमः॑ ।
नमो॑ म॒हद्भ्यो॒ नमः॑ । क्षु॒ल्ल॒केभ्य॑श्च॒ नमः॑ । वो॒ नमः॑ ।
नमो॑ र॒थिभ्यो॒ नमः॑ । अ॒र॒थेभ्य॑श्च॒ नमः॑ । वो॒ नमः॑ ।
नमो॒ रथे᳚भ्यो॒ नमः॑ । रथ॑पतिभ्यश्च॒ नमः॑ । वो॒ नमः॑ ।
नम॒स्सेना᳚भ्यो॒ नमः॑ । से॒ना॒निभ्य॑श्च॒ नमः॑ । वो॒ नमः॑ ।
नमः॑ क्ष॒त्तृभ्यो॒ नमः॑ । सं॒ग्र॒ही॒तृभ्य॑श्च॒ नमः॑ । वो॒ नमः॑ ।
नम॒स्तक्ष॑भ्यो॒ नमः॑ । र॒थ॒का॒रेभ्य॑श्च॒ नमः॑ । वो॒ नमः॑ ।
नमः॒ कुला॑लेभ्यो॒ नमः॑ । क॒र्मारे᳚भ्यश्च॒ नमः॑ । वो॒ नमः॑ ।
नमः॑ पुं॒जिष्टे᳚भ्यो॒ नमः॑ । नि॒षा॒देभ्य॑श्च॒ नमः॑ । वो॒ नमः॑ ।
नम॑ इषु॒कृद्भ्यो॒ नमः॑ । ध॒न्व॒कृद्भ्य॑श्च॒ नमः॑ । वो॒ नमः॑ ।
नमो॑ मृग॒युभ्यो॒ नमः॑ । श्व॒निभ्य॑श्च॒ नमः॑ । वो॒ नमः॑ ।
नमः॒ श्वभ्यो॒ नमः॑ । श्वप॑तिभ्यश्च॒ नमः॑ । वो॒ नमः॑
नमो॑ भ॒वाय॑ च॒ नमः॑ । रु॒द्राय॑ च॒ नमः॑ ।
नम॑श्श॒र्वाय॑ च॒ नमः॑ । प॒शु॒पत॑ये च॒ नमः॑ ।
नमो॒ नील॑ग्रीवाय च॒ नमः॑ । शि॒ति॒कण्ठा॑य च॒ नमः॑ ।
नमः॑ कप॒र्दिने॑ च॒ नमः॑ । व्यु॑प्तकेशाय च॒ नमः॑ ।
नम॑स्सहस्रा॒क्षाय॑ च॒ नमः॑ । श॒तध॑न्वने च॒ नमः॑ ।
नमो॑ गिरि॒शाय॑ च॒ नमः॑ । शि॒पि॒वि॒ष्टाय॑ च॒ नमः॑ ।
नमो॑ मी॒ढुष्ट॑माय च॒ नमः॑ । इषु॑मते च॒ नमः॑ ।
नमो᳚ ह्र॒स्वाय॑ च॒ नमः॑ । वा॒म॒नाय॑ च॒ नमः॑ ।
नमो॑ बृह॒ते च॒ नमः॑ । वर्षी॑यसे च॒ नमः॑ ।
नमो॑ वृ॒द्धाय॑ च॒ नमः॑ । सं॒वृध्व॑ने च॒ नमः॑ ।
नमो॒ अग्रि॑याय च॒ नमः॑ । प्र॒थ॒माय॑ च॒ नमः॑ ।
नम॑ आ॒शवे॑ च॒ नमः॑ । अ॒जि॒राय॑ च॒ नमः॑ ।
नमः॒ शीघ्रि॑याय च॒ नमः॑ । शीभ्या॑य च॒ नमः॑ ।
नम॑ ऊ॒र्म्या॑य च॒ नमः॑ । अ॒व॒स्व॒न्या॑य च॒ नमः॑ ।
नमः॑ स्त्रोत॒स्या॑य च॒ नमः॑ । द्वीप्या॑य च॒ नमः॑ ।
नमो᳚ ज्ये॒ष्ठाय॑ च॒ नमः॑ । क॒नि॒ष्ठाय॑ च॒ नमः॑ ।
नमः॑ पूर्व॒जाय॑ च॒ नमः॑ । अ॒प॒र॒जाय॑ च॒ नमः॑ ।
नमो॑ मध्य॒माय॑ च॒ नमः॑ । अ॒प॒ग॒ल्भाय॑ च॒ नमः॑ ।
नमो॑ जघ॒न्या॑य च॒ नमः॑ । बुध्नि॑याय च॒ नमः॑ ।
नमः॑ सो॒भ्या॑य च॒ नमः॑ । प्र॒ति॒स॒र्या॑य च॒ नमः॑ ।
नमो॒ याम्या॑य च॒ नमः॑ । क्षेम्या॑य च॒ नमः॑ ।
नम॑ उर्व॒र्या॑य च॒ नमः॑ । खल्या॑य च॒ नमः॑ ।
नमः॒ श्लोक्या॑य च॒ नमः॑ । अ॒व॒सा॒न्या॑य च॒ नमः॑ ।
नमो॒ वन्या॑य च॒ नमः॑ । कक्ष्या॑य च॒ नमः॑ ।
नमः॑ श्र॒वाय॑ च॒ नमः॑ । प्र॒ति॒श्र॒वाय॑ च॒ नमः॑ ।
नम॑ आ॒शुषे॑णाय च॒ नमः॑ । आ॒शुर॑थाय च॒ नमः॑ ।
नमः॒ शूरा॑य च॒ नमः॑ । अ॒व॒भि॒न्द॒ते च॒ नमः॑ ।
नमो॑ व॒र्मिणे॑ च॒ नमः॑ । व॒रू॒थिने॑ च॒ नमः॑ ।
नमो॑ बि॒ल्मिने॑ च॒ नमः॑ । क॒व॒चिने॑ च॒ नमः॑ ।
नम॑श्श्रु॒ताय॑ च॒ नमः॑ । श्रु॒त॒से॒नाय॑ च॒ नमः॑ ।
नमो॑ दुन्दु॒भ्या॑य च॒ नमः॑ । आ॒ह॒न॒न्या॑य च॒ नमः॑ ।
नमो॑ धृ॒ष्णवे॑ च॒ नमः॑ । प्र॒मृ॒शाय॑ च॒ नमः॑ ।
नमो॑ दू॒ताय॑ च॒ नमः॑ । प्रहि॑ताय च॒ नमः॑ ।
नमो॑ निष॒ङ्गिणे॑ च॒ नमः॑ । इ॒षु॒धि॒मते॑ च॒ नमः॑ ।
नम॑स्ती॒क्ष्णेष॑वे च॒ नमः॑ । आ॒यु॒धिने॑ च॒ नमः॑ ।
नमः॑ स्वायु॒धाय॑ च॒ नमः॑ । सु॒धन्व॑ने च॒ नमः॑ ।
नमः॒ स्रुत्या॑य च॒ नमः॑ । पथ्या॑य च॒ नमः॑ ।
नमः॑ का॒ट्या॑य च॒ नमः॑ । नी॒प्या॑य च॒ नमः॑ ।
नम॒स्सूद्या॑य च॒ नमः॑ । स॒र॒स्या॑य च॒ नमः॑ ।
नमो॑ ना॒द्याय॑ च॒ नमः॑ । वै॒श॒न्ताय॑ च॒ नमः॑ ।
नमः॒ कूप्या॑य च॒ नमः॑ । अ॒व॒ट्या॑य च॒ नमः॑ ।
नमो॒ वर्ष्या॑य च॒ नमः॑ । अ॒व॒र्ष्याय॑ च॒ नमः॑ ।
नमो॑ मे॒घ्या॑य च॒ नमः॑ । वि॒द्यु॒त्या॑य च॒ नमः॑ ।
नम॑ ई॒ध्रिया॑य च॒ नमः॑ । आ॒त॒प्या॑य च॒ नमः॑ ।
नमो॒ वात्या॑य च॒ नमः॑ । रेष्मि॑याय च॒ नमः॑ ।
नमो॑ वास्त॒व्या॑य च॒ नमः॑ । वास्तु॒पाय॑ च॒ नमः॑ ।
नम॒स्सोमा॑य च॒ नमः॑ । रु॒द्राय॑ च॒ नमः॑ ।
नम॑स्ता॒म्राय॑ च॒ नमः॑ । अ॒रु॒णाय॑ च॒ नमः॑ ।
नमः॑ श॒ङ्गाय॑ च॒ नमः॑ । प॒शु॒पत॑ये च॒ नमः॑ ।
नम॑ उ॒ग्राय॑ च॒ नमः॑ । भी॒माय॑ च॒ नमः॑ ।
नमो॑ अग्रेव॒धाय॑ च॒ नमः॑ । दू॒रे॒व॒धाय॑ च॒ नमः॑ ।
नमो॑ ह॒न्त्रे च॒ नमः॑ । हनी॑यसे च॒ नमः॑ ।
नमो॑ वृ॒क्षेभ्यो॒ नमः॑ । हरि॑केशेभ्यो॒ नमः॑ ।
नम॑स्ता॒राय॒ नमः॑ । नम॑श्शं॒भवे॑ च॒ नमः॑ ।
म॒यो॒भवे॑ च॒ नमः॑ । नम॑श्शंक॒राय॑ च॒ नमः॑ ।
म॒य॒स्क॒राय॑ च॒ नमः॑ । नमः॑ शि॒वाय॑ च॒ नमः॑ ।
शि॒वत॑राय च॒ नमः॑ । नम॒स्तीर्थ्या॑य च॒ नमः॑ ।
कूल्या॑य च॒ नमः॑ । नमः॑ पा॒र्या॑य च॒ नमः॑ ।
अ॒वा॒र्या॑य च॒ नमः॑ । नमः॑ प्र॒तर॑णाय च॒ नमः॑ ।
उ॒त्तर॑णाय च॒ नमः॑ । नम॑ आता॒र्या॑य च॒ नमः॑ ।
आ॒ला॒द्या॑य च॒ नमः॑ । नमः॒ शष्प्या॑य च॒ नमः॑ ।
फेन्या॑य च॒ नमः॑ । नमः॑ सिक॒त्या॑य च॒ नमः॑ ।
प्र॒वा॒ह्या॑य च॒ नमः॑ ।
नम॑ इरि॒ण्या॑य च॒ नमः॑ । प्र॒प॒थ्या॑य च॒ नमः॑ ।
नमः॑ कि ꣳ शि॒लाय॑ च॒ नमः॑ । क्षय॑णाय च॒ नमः॑ ।
नमः॑ कप॒र्दिने॑ च॒ नमः॑ । पु॒ल॒स्तये॑ च॒ नमः॑ ।
नमो॒ गोष्ठ्या॑य च॒ नमः॑ । गृह्या॑य च॒ नमः॑ ।
नम॒स्तल्प्या॑य च॒ नमः॑ । गेह्या॑य च॒ नमः॑ ।
नमः॑ का॒ट्या॑य च॒ नमः॑ । ग॒ह्व॒रे॒ष्ठाय॑ च॒ नमः॑ ।
नमो᳚ ह्रद॒य्या॑य च॒ नमः॑ । नि॒वे॒ष्प्या॑य च॒ नमः॑ ।
नमः॑ पा ꣳ स॒व्या॑य च॒ नमः॑ । र॒ज॒स्या॑य च॒ नमः॑ ।
नमः॒ शुष्क्या॑य च॒ नमः॑ । ह॒रि॒त्या॑य च॒ नमः॑ ।
नमो॒ लोप्या॑य च॒ नमः॑ । उ॒ल॒प्या॑य च॒ नमः॑ ।
नम॑ ऊ॒र्व्या॑य च॒ नमः॑ । सू॒र्म्या॑य च॒ नमः॑ ।
नमः॑ प॒र्ण्या॑य च॒ नमः॑ । प॒र्ण॒श॒द्या॑य च॒ नमः॑ ।
नमो॑पगु॒रमा॑णाय च॒ नमः॑ । अ॒भि॒घ्न॒ते च॒ नमः॑ ।
नम॑ आक्खिद॒ते च॒ नमः॑ । प्र॒क्खि॒द॒ते च॒ नमः॑ । वो॒ नमः॑ ।
कि॒रि॒केभ्यो॒ नमः॑ । दे॒वाना॒ ꣳ॒ हृद॑येभ्यो॒ नमः॑ ।
नमो॑ विक्षीण॒केभ्यो॒ नमः॑ । नमो॑ विचिन्व॒त्केभ्यो॒ नमः॑ ।
नम॑ आनिर्ह॒तेभ्यो॒ नमः॑ । नम॑ आमीव॒त्केभ्यो॒ नमः॑ ।
